~{ .. عَلى ذِكرِ الغَرامْ

كأن البعض يتحدّثُ عنّا , بغير إذنٍ مِنّا
لَعلّ تشابُه الأحداث .. هو عُذْرُه !!

علـى ذكــر الـغـرام وشـرهـة الغالـيـن للغالـيـن
بعـد قفـت وسـومـك واجـدبـت خـضـر البساتـيـن

أنا ما اعاتبـك ليـش الجفـاء لأنـي اعرفـك زيـن
لكـنـي لا كـتـبـت الـشـعـر فـــي مـثـلـك يسلـيـنـي

أدور لـك عـذر بيـن الظـروف وسـجـة السالـيـن
وادلــه خـاطـري فــي كــل لحـظـه بيـنـك وبيـنـي

عسى الله لا يعيد الضيقة اللي في مسـا الاثنيـن
بـعـد ماجرحتـنـي مــن فـراقـك ودمـعــت عـيـنـي

هـذاك اليـوم لينـت الخفـوق اللـي حشـا مايلـيـن
لـو تليـن الرجـال اللـي علـى الـشـدات قاسيـنـي

رحلت وضاقت الوجهات الاربع قلت اجيك منين
ولا بـــه غــيــر درب لــــو سـلـكـتـه مـايـوديـنـي

تغانمت الطريـق اللـي يجـي بيتـك مـن الصوبيـن
احسب اني بشوفـك واحسـب ان الوقـت يمدينـي

تركت الـدار بيسـاري وأخـذت اول طريـق يميـن
وانـا شهـب العـلـوم تحـدنـي والـشـوق حاديـنـي

على وصل الهنوف اللي تمخطر بين حين وحين
مرابـعـهـا القـصـيـد وبيـتـهـا بـيــن الشـرايـيـنـي

نبـت فـي وصلهـا تـوت المحبـه والكـرز والتيـن
تمـايـل كــل غـصــن شـوقــه نـــدف الرياحـيـنـي

عليهـا يميــن ماتنـسـي الـغـلا ولـهـا علـيـه يميـن
ماينـقـص مــن غـلاهــا شـــي دام الله محيـيـنـي
..
..
للمُبدع: محمد بن مريبد العازمي